ŞİRVANŞAHLAR SARAYINDA BƏRPA İŞLƏRİ DAVAM ETDİRİLİR
Mədəni İrsin Qorunması Layihəsinin işçi qrupundan AZƏRTAC-ın müxbirinə bildirmişlər ki, Şirvanşahlar Saray Kompleksinin ikinci mərtəbəsində bərpa işləri davam etdirilir. Buradakı otaqların dam örtükləri və tağları tam bərpa olunub. Taxt-tac zalının iç və çöl günbəzlərinin təmiri davam etdirilir.
Mühəndis kommunikasiya işlərinin əsasən başa çatdırıldığı binada döşəmələrin bərpasına başlanılmışdır. Binada divarların iç tərəfinin suvaması keyfiyyətlə aparılır. Taxt-tac zalında kaşı işləri də yerinə yetirilir. Bərpa işlərinin iyunun axırlarında başa çatdırılması nəzərdə tutulur.
Bölmənin digər xəbərləri
