“Sky News”: Britaniya qırıcıları Norveç dənizində Rusiya təyyarəsini ələ keçirib
Bakı, 6 iyul, AZƏRTAC
Böyük Britaniya Müdafiə Nazirliyi bazar ertəsi günü bu ölkənin HHQ qırıcılarının Norveç dənizində “Prince of Wales” gəmisinə dəfələrlə yaxınlaşan Rusiya təyyarəsini ələ keçirdiyini açıqlayıb.
AZƏRTAC xəbər verir ki, “Sky News” telekanalının məlumatına görə, Böyük Britaniya Müdafiə Nazirliyinin bəyanatında bildirilib: “Norveç dənizində “Firecrest” əməliyyatı çərçivəsində fəaliyyət göstərərkən, Böyük Britaniyanın aviadaşıyıcı zərbə qrupuna dəfələrlə Rusiyanın “Bear-F” dəniz patrul təyyarəsinin yaxınlaşdığını təsdiqləyə bilərik. Təyyarə “Prince of Wales” gəmisinin üzərində Böyük Britaniyanın F-35 təyyarələri tərəfindən ələ keçirilib və müşayiət olunub”.
Nazirliyin bəyanatında qeyd olunub: “Bu fəaliyyət təhlükəli və qeyri-peşəkar idi, “Bear-F” aşağı hündürlükdə və heç bir səbəb olmadan “Prince of Wales” gəmisinə yaxınlaşaraq aviadaşıyıcının yaxınlığında çoxlu sayda “sonoboy” buraxıb”.
Bölmənin digər xəbərləri
