Şöbə müdiri: Baytarlıq sahəsində antibiotiklərin tətbiqinin minimuma endirilməsinə diqqət yetirilir
Bakı, 4 iyun, AZƏRTAC
Azərbaycanda baytarlıq preparatlarına nəzarət mövcuddur. Bu preparatlar respublikamıza əsasən xarici ölkələrdən idxal olunur. Əvvəlcə baytarlıq preparatlarının qeydiyyatı prosesi həyata keçirilir, sonra 5 il müddətinə ölkəyə idxalına və tətbiqinə icazə verilir.
AZƏRTAC xəbər verir ki, bu barədə Azərbaycan Qida Təhlükəsizliyi Agentliyinin (AQTA) Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev "Qida sistemlərinin rolu: insan, heyvan və ətraf mühit sağlamlığının inteqrasiyası" adlı paneldə məlumat verib.
Şöbə müdiri qeyd edib ki, hazırda dünyanın diqqəti antibiotiklərin dövriyyəsinə nəzarəti həyata keçirməklə bağlıdır. "Hazırda diqqət ondadır ki, baytarlıq sahəsində antibiotiklərin tətbiqi minimuma endirilsin ki, bunlar qida ilə birlikdə insan orqanizminə daxil edilməsin", - deyə o diqqətə çatdırıb.
Bölmənin digər xəbərləri
