Son 24 saat ərzində Qırğızıstanda koronavirusa yoluxanların sayı 270 nəfərə çatıb
Bişkek, 8 aprel, AZƏRTAC
Son sutka ərzində Qırğızıstanda COVID-19 koronavirusuna yoluxanların sayı 54 nəfər artaraq 270-ə çatıb.
AZƏRTAC xəbər verir ki, bu haqda koronavirusla bağlı yaradılan Respublika Qərargahı məlumat yayıb. Məlumatda deyilir ki, yeni virusa yoluxanların hamısı karantində olanların hesabına artıb.
Bildirilir ki, xəstələrin keşiyində duran tibb işçilərindən koronavirusa tutulanların sayı isə 30 nəfərə çatıb. Ölkədə bu virusdan artıq 4 nəfər dünyasını dəyişib.
Koronavirus pandemiyası ilə əlaqədar Bişkekdə, Oş və Cəlalabad vilayətlərində fövqəladə vəziyyət rejimi tətbiq olunub.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
