İDMAN
Stolüstü tennis üzrə respublika turnirinə yekun vurulub
Bakı, 8 mart, AZƏRTAC
Stolüstü tennis üzrə respublika turnirinə yekun vurulub.
Azərbaycan Stolüstü Tennis Federasiyasından AZƏRTAC-a verilən məlumata görə, yarış Sumqayıtda keçirilib. Yarışda Sumqayıt idmançılari ilə yanaşı, Bakı, Şəki, Salyan, Şirvan və Şabrandan 80-ə yaxın stolüstü tennisçi iştirak edib. 2014-cü il və aşağı təvəllüdlü idmançıların qatıldığı turnirdə oğlanlar arasında Əliəkbər Mirzəliyev qalib olub. Cəfər Almədədli 2-ci, Həsrət Kamilov 3-cü yeri tutublar.
Qızların mübarizəsi Banu İmanverdizadənin qələbəsi ilə başa çatıb. Nailə Nəzirova ilə Mehri Aslanzadə müvafiq olaraq ikinci və üçüncü yerləri tutublar. Fərqlənən idmançilara Azərbaycan Stolüstü Tennis Federasiyasının hədiyyələri təqdim olunub.
Bölmənin digər xəbərləri
