SUALTI BORU KƏMƏRLƏRİNİN ÇƏKİLMƏSİ PROQRAMI UĞURLA YERİNƏ YETİRİLİR

24.12.2005 [17:27]
Çap et
A⁺ A^-

Azərbaycan Beynəlxalq Əməliyyat Şirkətindən AZƏRTAC-a bildirmişlər ki, “Azəri-Çıraq-Günəşli” (AÇG) layihəsi çərçivəsində “Qərbi Azəri” sualtı boru kəmərlərinin tikinti proqramı tamamlanmış və bundan sonra “Şərqi Azəri” üçün sualtı boruların çəkilməsinə başlanmışdır.

AÇG Faza 1 layihəsinin başlanğıcından bəri “İsrafil Hüseynov” borudüzən barjından istifadə olunmaqla ümumi uzunluğu 850 kilometr olan 18 sualtı boru kəməri çəkilmişdir. Sualtı boru kəmərləri proqramının sonuna qədər ümumi uzunluğu 950 kilometr olan 21 boru kəməri çəkiləcəkdir.

Dövlət Neft Şirkətinə məxsus “Tofiq İsmayılov” adına dalğıc gəmisi genişmiqyaslı modernləşdirmədən sonra bu il işə başlamışdır. İyundan bəri gəmi kompressor və suvurma platforması və “Qərbi Azəri” üçün sualtı boruların birləşdirilməsinin tamamlanması məqsədi ilə dalğıc işləri ilə məşğul olmuşdur. “Tofiq İsmayılov” Xəzərdə texniki baxımdan ən mürəkkəb dalğıc gəmisidir və 2006-cı ildə AÇG və Şahdəniz layihələri üzrə dalğıc əməliyyatlarını yerinə yetirməkdə davam edəcəkdir.

SUALTI BORU KƏMƏRLƏRİNİN ÇƏKİLMƏSİ PROQRAMI UĞURLA YERİNƏ YETİRİLİR

MÜƏLLİFLƏ ƏLAQƏ

Bölmənin digər xəbərləri