Sulutəpə qəsəbəsindən yük avtomobili qaçıran şəxslər cinayət məsuliyyətinə cəlb olunub
Bakı, 14 fevral, AZƏRTAC
Fevralın 14-də saat 03:45 radələrində “ZİL-MMC-4512” markalı 50-DA-951 dövlət qeydiyyat nişanlı yük avtomobilinin Sulutəpə qəsəbəsindən qaçırılması barədə Binəqədi Rayon Polis İdarəsinin 40-cı polis bölməsindən məlumat verilib.
Baş Dövlət Yol Polisi İdarəsinin (BDYPİ) ictimaiyyətlə əlaqələr şöbəsindən AZƏRTAC-a bildiriblər ki, həmin avtomobil BDYPİ-nin ekoloji nəzarət bölüyünün 99-YP-688 dövlət qeydiyyat nişanlı patrul avtomobilində xidmət aparan yol patrul xidmətinin inspektorları tərəfindən saxlanılıb. Yük avtomobilini qaçırmış Qobustan rayon sakinləri 1974-cü il təvəllüdlü Ağayev Yusif Heydər oğlu və 1980-ci il təvəllüdlü Qədirov Qədir Mamed oğlu tutularaq istintaq orqanlarına təhvil veriliblər.
Bölmənin digər xəbərləri
