“Sumqayıt” Azərbaycan Premyer Liqasının cari mövsümündə ilk qolunu vurub
Bakı, 12 sentyabr, AZƏRTAC
“Sumqayıt” Azərbaycan Premyer Liqasının cari mövsümündə ilk qolunu vurub. Aleksey Baqanın yetirmələri VI turun “Şamaxı” ilə ev oyununda fərqlənib. Meydan sahibləri 3-cü dəqiqədə Almir Aqanspahiçin penalti zərbəsi ilə hesabı açıb.
AZƏRTAC Peşəkar Futbol Liqasına istinadla xəbər verir ki, “Gənclik şəhəri” təmsilçisi Azərbaycan çempionatlarının 30 illik tarixində ilk qolunu ən gec - mövsümdəki 6-cı matçında vuran 4-cü komanda olub. Lakin sumqayıtlılar dəqiqə baxımından digər üç uğursuzu qabaqlayıb. A.Aqanspahiç qolunu komandası 453 dəqiqə gözləyib. Mütləq antirekord isə 2015/2016-cı il mövsümündə ilk qolunu məhz “Sumqayıt”la görüşün 90+4-cü dəqiqəsində vuran AZAL-a məxsusdur.
Bölmənin digər xəbərləri
