SUMQAYIT İDMANÇILARI LİSENZİYALARIN SAYINI ARTIRA BİLƏRLƏR
Taekvondo üzrə dünya çempionu Niyaməddin Paşayev və yeniyetmələr arasında sərbəst güləş üzrə Avropa birinciliyinin gümüş mükafatçısı Elnur Aslanov Afinada keçiriləcək 28-ci yay Olimpiadasına, əlillər arasında cüdo üzrə dünya çempionatının bürünc mükafatçısı İlham Zəkiyev isə 12-ci paralimpiya oyunlarına lisenziyalar almışlar. Sumqayıt Gənclər, İdman və Turizm İdarəsindən AZƏRTAC-ın müxbirinə bildirmişlər ki, daha beş idmançı lisenziya almağa real namizəddir.
Hazırda Sumqayıtda, təxminən, 10 min nəfər idmanın 23 növü ilə məşğul olur ki, bunların da 13-ü olimpiya növüdür. Məşğələləri təcrübəli, tanınmış məşqçilər aparırlar. Onların 25 nəfəri Azərbaycanın əməkdar məşqçisidir.
Bölmənin digər xəbərləri
