Sumqayıtda ağır atletika üzrə şəhər birinciliyinə yekun vurulub
Sumqayıt, 2 mart, Ətrabə Rzayeva, AZƏRTAC
Sumqayıt Olimpiya İdman Kompleksində 5 mart - Bədən Tərbiyəsi və İdman Gününə həsr edilmiş ağır atletika üzrə şəhər birinciliyinə yekun vurulub. Yarış Sumqayıt şəhər Gənclər və İdman Baş İdarəsinin təşkilatçılığı ilə 2005-ci il və daha kiçik təvəllüdlü oğlan və qızlar arasında keçirilib.
AZƏRTAC xəbər verir ki, şəhər birinciliyinə 60-dan çox idmançı qatılıb. Qalib adı uğrunda iki gün gərgin idman mübarizəsi şəraitində davam edən yarışda Məryəm Qurbanzadə (38 kq), Arzu Qədimova (41 kq), Zəhra Niftəliyeva (49 kq) qızlar arasında, İlham Abbasov (36 kq), Firudin Cəfərov (39 kq), Roman Əmrahlı (42 kq), Azər Mənsimov (45 kq), Turan Əliyev (49 kq), Fuad Qədimov (55 kq), Fərid Mərdanov (61 kq), Bayram Aslanov (67 kq), Cavidan Muxtarlı (73 kq), Rəbbani Niftəliyev (81 kq) və Murad Babazadə (+81 kq) oğlanlar arasında fəxri kürsünün ən yüksək pilləsinə qalxıblar.
Yarışın qalib və mükafatçıları şəhər Gənclər və İdman Baş İdarəsinin fəxri fərman, medal və hədiyyələrlə təltif olunublar.
Bölmənin digər xəbərləri
