Suriya Hörmüz boğazından yan keçən dəniz yolları şəbəkəsi yaratmaq istəyir
Bakı, 2 iyul, AZƏRTAC
Suriya hökuməti ölkə limanları ilə Körfəz dövlətləri arasında Hörmüz boğazından yan keçən nəqliyyat marşrutlarının inkişaf etdirilməsini perspektivli hesab edir.
AZƏRTAC xəbər verir ki, bu barədə Suriyanın nəqliyyat naziri Yaarub Bader Dəməşqdə keçirilən Suriya–Britaniya Biznes Forumu çərçivəsində “The National” qəzetinə müsahibəsində bildirib.
"Belə təşəbbüslərin hər birini alqışlayırıq. Bu marağın konkret layihələrə çevrilməsini səbirsizliklə gözləyirik. Suriya tarix boyu Şərqlə Qərbi birləşdirən əsas nəqliyyat qovşaqlarından biri olub", – deyə nazir vurğulayıb.
Onun sözlərinə görə, hökumət bu istiqamətdə praktiki addımların atılmasını gözləyir. Eyni zamanda, ölkə avtomobil və dəmir yolu infrastrukturunun inkişafı üzrə işləri müstəqil şəkildə davam etdirir.
Nəşr xatırladır ki, ötən həftə Suriyanın gömrük xidməti rəhbərliyi Birləşmiş Ərəb Əmirliklərinin nümayəndələri ilə Suriya limanlarının, sərhəd-keçid məntəqələrinin və azad iqtisadi zonalarının inkişafı məsələlərini müzakirə edib.
Bölmənin digər xəbərləri
