TANINMIŞ PİANOÇU MURAD HÜSEYNOV FRANSAYA MÜSABİQƏYƏ DƏVƏT OLUNMUŞDUR
Tanınmış pianoçu AZƏRTAC-ın müxbirinə demişdir ki, indiyədək Türkiyə, Yaponiya, Rusiya, Fransa, Əfqanıstan və digər ölkələrdə çıxış etmişəm. Bu günlərdə isə Fransanın Limoj şəhərinə dəvət olunmuşam. Müsabiqənin təşkilat komitəsindən aldığım məktubda bu ilin noyabrında həmin şəhərdə pianoçuların Frensis Bulenk adına 4-cü Beynəlxalq müsabiqəsinin keçiriləcəyi və tədbirin açılışında mənim solo nömrə ilə çıxış edəcəyim bildirilir. Qeyd edim ki, 2002-ci ilin fevralında həmin müsabiqədə birinci yeri tutmuş, fransız bəstəkarlarının əsərlərinin ən yaxşı ifasına görə 3 xüsusi mükafata layiq görülmüşəm. Solo çıxışımda Qərbi Avropa və Azərbaycan bəstəkarlarının fortepiano əsərlərini ifa edəcəyəm.
Bölmənin digər xəbərləri
