TARİF QİYMƏTLƏRİ AŞAĞI SALINA BİLƏR

14.03.2004 [13:41]
Çap et
A⁺ A^-

Azərbaycanda mobil telefon və beynəlxalq danışıqların qiymətləri MDB ölkələrindəki orta göstəricidən xeyli yüksəkdir. Mobil rabitə xidmətlərinin tarif qiymətlərinə yenidən baxılmalıdır. Çünki qiymətlərin yüksək olması biznesin inkişafını ləngidir. Bunu jurnalistlərə rabitə və informasiya texnologiyaları naziri Əli Abbasov demişdir.

Nazirin dediyinə görə, qiymətlərin aşağı salınması barədə respublikanın “Azercell” və “Bakcell” mobil rabitə operatorlarına müəyyən təkliflər olunacaq, eyni zamanda, onların rouminq sazişi bağladığı 100 operatorla bu istiqamətdə danışıqlar aparılacaqdır. Ə. Abbasov telefon xətti çəkilişi qiymətlərinin dəyişəcəyini, həmçinin nazirliyin “Bakinternet” şəbəkəsində indiyədək mövcud olan güzəştlərin ləğv ediləcəyini də istisna etməmişdir.

TARİF QİYMƏTLƏRİ AŞAĞI SALINA BİLƏR

MÜƏLLİFLƏ ƏLAQƏ

Bölmənin digər xəbərləri