TBİLİSİDƏ BEYNƏLXALQ YEYİNTİ SƏNAYESİ SƏRGİSİ BAŞA ÇATMIŞDIR
AZƏRTAC-ın xüsusi müxbiri xəbər verir ki, Tbilisidə “İnterFood Georgia - 2005” ikinci beynəlxalq yeyinti sənayesi sərgisi noyabrın 12-də başa çatmışdır. Gürcüstan Kənd Təsərrüfatı və Ərzaq Nazirliyinin məlumatına görə, sərgidə 11 ölkədən - Azərbaycan, ABŞ, Hollandiya, Ukrayna, Ermənistan, Qazaxıstan, Almaniya, Rusiya, Polşa, Moldova və Gürcüstandan olan 20 məşhur şirkətin məhsulları nümayiş etdirilmişdir.
Sərgiyə gələnlər yeyinti sənayesi sahəsində istehsalın ən yeni texnologiyaları və metodları ilə tanış olmuş, bir sıra yerli və beynəlxalq şirkətlərlə müqavilələr bağlamışlar.
Tədbir Britaniyanın İTE Group PLC şirkəti tərəfindən təşkil olunmuşdur.
Bölmənin digər xəbərləri
