Təcridxanaya narkotik və psixotrop maddələrin keçirilməsinin qarşısı alınıb
Bakı, 29 mart, AZƏRTAC
Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq Təcridxanasına narkotik və psixotrop maddələrin keçirilməsi cəhdinin qarşısı alınıb.
Xidmətin ictimaiyyətlə əlaqələr şöbəsindən AZƏRTAC-a bildiriblər ki, Cinayət Məcəlləsinin 234.4.3-cü maddəsinə əsasən təqsirli bilinərək həbs edilib. Hazırda Bakı İstintaq Təcridxanasında saxlanılan Məmmədov Əli Mahir oğluna tanışı Bakı şəhər sakini Ələkbərov Asif Ələkbər oğlu tərəfindən gətirilmiş sovqata baxış keçirilib. Baxış zamanı sovqatdakı başmağın daban hissəsində xüsusi üsulla gizlədilmiş üç sellofan bükülüdə 1,731 qram heroin və 0,680 qram metamfetamin aşkarlanıb.
Faktla bağlı araşdırma aparılır.
Bölmənin digər xəbərləri
