Tedros Qebreyesus: Pandemiya üzrə məhdudlaşdırıcı tədbirlərə qarşı etiraz edən insanlarla dialoq aparmaq lazımdır
Bakı, 31 avqust, AZƏRTAC
Ümumdünya Səhiyyə Təşkilatının (ÜST) Baş direktoru Tedros Adhanom Qebreyesus Cenevrədə keçirilən brifinqdə bildirib ki, pandemiyaya qarşı mübarizədə tətbiq olunan məhdudlaşdırıcı tədbirlərə qarşı etiraz aksiyaları təşkil edən insanlarla açıq dialoq aparmaq lazımdır.
AZƏRTAC TASS informasiya agentliyinə istinadla xəbər verir ki, ÜST-nin rəhbəri deyib: “Biz insanların nəyi xahiş etdiyini, nə söylədiklərini dinləməliyik. Biz onlarla səmimi dialoq aparmalıyıq”. Bununla yanaşı, ÜST-nin Baş direktoru ötən həftə keçirilmiş nümayiş iştirakçılarına üzünü tutaraq bildirib: “Virus realdır, təhlükəlidir, sürətlə yayılır və öldürür. Özümüzü və başqalarını qorumaq üçün əlimizdən gələni etməliyik”.
Xatırladaq ki, şənbə günü Berlində, Londonda və Sürixdə pandemiya ilə mübarizə çərçivəsində məhdudlaşdırıcı tədbirlərə qarşı etiraz aksiyaları keçirilib.
Bölmənin digər xəbərləri
