TEHRANDA “İSLAM ƏXLAQININ PAKLIĞI” AYLIĞI KEÇİRİLMİŞDİR
Əməliyyat zamanı təxminən 49 min evdə peyk antenaları olduğu, onları hazırlayıb satan 36 nəfər aşkara çıxarılmışdır. İran qanunvericiliyi ilə qadağa olunmuş televiziya avadanlığı müsadirə edilmişdir.
Hüquq mühafizə orqanlarının bu istiqamətdə səyləri onunla bağlıdır ki, İrana antiislam təbliğatı verilişləri yayımlayan Qərb telekanallarının sayı artmışdır.
Bundan başqa, paytaxtın küçələrində 64 minədək qadın islam geyimi qaydalarına riayət etmədiyinə görə saxlanılmışdır. Alkoqollu içkilər daşımaqla və satmaqla məşğul olan 16 adam həbs edilmişdir. 23 min butulkadan çox spirtli içki aşkar olunmuşdur.
Bu, son 10 ildə İran paytaxtında İslam mənəviyyatının qorunması ilə bağlı keçirilmiş ən genişmiqyaslı əməliyyatdır.
Tehran polisi belə əməliyyatları davam etdirmək niyyətindədir.
Bölmənin digər xəbərləri
