Tehranın Cənnət bazarında güclü yanğın baş verib
Bakı, 3 fevral, AZƏRTAC
İran paytaxtının şimalında yerləşən Cənnət bazarında güclü yanğın olub.
AZƏRTAC xəbər verir ki, bu barədə Tehran yanğından mühafizə xidmətinin nümayəndəsi Cəlal Maliki SNN telekanalına bildirib. Onun sözlərinə görə, yanğın çoxsaylı köşklərin və ticarət çadırlarının yerləşdiyi təxminən 2000 kvadratmetr sahəni əhatə edib.
Hadisə yerində yanğınsöndürmə avtomobilləri, su sisternləri və oksigen balonları da daxil, lazımi avadanlıqlarla təchiz edilmiş beş yanğınsöndürmə bölməsi işləyir.
Maliki əlavə edib ki, hələlik zərərçəkənlər barədə məlumat yoxdur.
Tehran vilayətinin təcili yardım xidmətinin nümayəndəsi Şervin Təbrizi isə öz növbəsində bildirib ki, hadisə yerində bir neçə təcili yardım maşını növbətçilik edir.
Bölmənin digər xəbərləri
