Tələbələr Aqrar Universitetin 44 ən yaxşı müəllimini seçirlər
Gəncə, 25 iyun, AZƏRTAC
Azərbaycan Dövlət Aqrar Universitetində (ADAU) “ADAU-nun 44 ən yaxşı müəllimi” adlı onlayn sorğu müsabiqəsi start götürüb.
AZƏRTAC-ın bölgə müxbiri xəbər verir ki, Ali Baş Komandan İlham Əliyevin rəhbərliyi ilə Müzəffər Ordumuzun 44 günlük Vətən müharibəsində qazandığı tarixi Zəfər münasibətilə keçirilən onlayn yarışma Aqrar Universitetin bakalavr və magistratura pilləsində təhsil alan tələbələr arasında keçiriləcək.
Tələbələrin iştirakı və rəyi əsasında keçiriləcək bütün pedaqoji heyəti əhatə edən sorğunun nəticələri əsasında seçilən 44 müəllim müsabiqənin qalibi olacaq.
Qaliblər müxtəlif sertifikat və hədiyyələrlə təltif olunacaqlar.
Bölmənin digər xəbərləri
