“Təmiz Qala” layihəsi davam etdirilir
Bakı, 8 aprel (AZƏRTAC). Heydər Əliyev Fondunun təşəbbüsü ilə “Təmiz Şəhər” Açıq Səhmdar Cəmiyyəti Qala qəsəbəsində tullantıların müasir idarəetmə sistemini yaratmaq məqsədilə “Təmiz Qala” layihəsini davam etdirir.
Qurumdan AZƏRTAC-a bildirmişlər ki, qəsəbə ərazisində tullantıların toplanması və daşınması üçün marşrutlar müəyyən edilmiş, 60-dan çox meydança qurularaq izahedici stend və konteynerlərlə təchiz olunmuşdur.
Əhalinin layihədə fəal iştirakını təmin etmək üçün maarifləndirmə tədbirləri aparılır. Bu məqsədlə qəsəbədəki uşaq bağçalarında görüşlər təşkil edilmiş, söhbətlər aparılmış, müxtəlif ekoloji yarış və oyunlar təşkil olunmuşdur. Məktəblərdə ekoloji mövzuda açıq dərslər keçilmişdir.
######
Bölmənin digər xəbərləri
