“Təmiz Şəhər” ASC ilin şirkəti seçilmişdir
Bakı, 28 mart (AZƏRTAC). “Ekoloji vəziyyətin yaxşılaşdırılmasına verdiyi töhfəyə görə” nominasiyasında “Təmiz Şəhər” Açıq Səhmdar Cəmiyyəti “Uğur-2010” mükafatına layiq görülmüşdür.
ASC-dən AZƏRTAC-a verilən məlumata görə, cəmiyyətin idarə heyətinin sədri Zakir İbrahimov Bakı şəhərində ekoloji vəziyyətin yaxşılaşdırılması istiqamətində fəaliyyətlərinin gələcəkdə də davam etdiriləcəyini bildirmişdir.
Xatırladaq ki, “Consulting Business” jurnalı tərəfindən təsis edilən bu mükafatın laureatları sırasında ötən il müxtəlif sahələrdə nailiyyətlər qazanmış ictimai xadimlər, dövlət təşkilatları və özəl şirkətlər olmuşdur.
Bölmənin digər xəbərləri
