Tərtərdə ağacəkmə aksiyasına başlanılmışdır
Tərtər, 7 yanvar (AZƏRTAC). Tərtər rayonunda geniş ağacəkmə aksiyasına başlanılmışdır.
AZƏRTAC xəbər verir ki, əmək kollektivlərinin nümayəndələri, rayon sakinləri ekoloji mühitin sağlamlaşdırılması məqsədi ilə keçirilən tədbirdə fəal iştirak edirlər. Tərtər-Bərdə magistral yolunun ətrafına və Heydər Əliyev prospektində 1,5 hektar əraziyə 300 maşına yaxın meşə torpağı verilmiş, yeni su xətlərinin çəkilişinə başlanılmışdır.
Yanvarın 7-də keçirilmiş iməcilik zamanı 1500-dən çox Eldar şamı, 20 minə yaxın lüqustr kolu əkilmişdir.
Ötən ilin ikinci yarısında 42 min ədəd ağac əkən tərtərlilər 2012-ci ilin birinci yarısında daha 65 min ədəd ağac əkməyi qarşıya məqsəd qoymuşlar.
Bölmənin digər xəbərləri
