TEYMUR RƏCƏBOV DAHA BİR GÖRÜŞÜNÜ HEÇ-HEÇƏ BAŞA VURMUŞDUR
Bakı, 26 fevral (AZƏRTAC ). Azərbaycan qrossmeysteri Teymur Rəcəbov İspaniyanın Linares şəhərində keçirilən ənənəvi superturnirin 6-cı turunda Çin şahmatçısı Vanq Yu ilə görüşdə heç-heçə oynamışdır.
Turun digər qarşılaşmaları belə nəticələnmişdir: Aleksandr Qrişuk (Rusiya)-Levon Aronyan (Ermənistan) 1:0, Maqnus Karlsen (Norveç)-V.Anand (Hindistan) 1:0, Vasili İvançuk (Ukrayna)-Lenyer Dominqes (Kuba) 0,5:0,5.
Altı turdan sonra turnir vəziyyəti belədir: A.Qrişuk 4,5xal, M.Karlsen, L.Aronyan 3,5 xal, V.Anand, V.İvançuk 3 xal, L.Dominqes 2,5 xal, T.Rəcəbov, Vanq Yu 2 xal.
Yeddinci turda T.Rəcəbov-M.Karlsen, L.Dominqes-Vanq Yu, V.Anand-A.Qrişuk, L. Aronyan-V.İvançuk qarşılaşacaqlar.
Bölmənin digər xəbərləri
