Timo Verner “Liverpul”a keçməyə razıdır
Bakı, 24 aprel, AZƏRTAC
Almaniyanın “Leyptsiq” futbol klubunun hücumçusu Timo Verner “Liverpul”a keçməyə razıdır.
AZƏRTAC xarici KİV-lərə istinadla xəbər verir ki, İngiltərə təmsilçisi 24 yaşlı hücumçu üçün 52 milyon funt sterlinq ödəyəcəyi təqdirdə, bu transfer gerçəkləşə bilər. “Liverpul”un baş məşqçisi Yurgen Kloppun da almaniyalı futbolçunu komandasında görmək istədiyi vurğulanıb.
Qeyd edək ki, T.Verner cari mövsümdə Bundesliqada keçirdiyi 25 matçda 21 qol vurub və 7 məhsuldar ötürmə edib.
Bölmənin digər xəbərləri
