“Tokio-2020”nin büdcəsi 15,8 milyard dollara qədər artırılıb
Bakı, 22 dekabr, AZƏRTAC
Tokioda keçiriləcək Olimpiya və Paralimpiya oyunları bir il təxirə salındığı üçün onun ümumi büdcəsi 15,8 milyard dollara qədər artırılıb.
AZƏRTAC xəbər verir ki, bu barədə Kyodo agentliyi məlumat yayıb. Belə ki, yarışların vaxtının dəyişdirilməsi səbəbindən büdcə 294 milyard yen (təxminən 2,85 milyard dollar) artırılıb. Məbləğin çox hissəsi idman qurğularının yaxşılaşdırılması və Olimpiya kəndinin saxlanılması ilə bağlı xərcləri ödəmək üçün tələb olunur. Koronavirus infeksiyasının yayılmasının qarşısını almaq üçün 96 milyard yen (931 milyon dollar) vəsait ayrılacaq.
Tokio Yay Olimpiya Oyunları gələn il iyulun 23-dən avqustun 8-dək, Paralimpiya Oyunları isə avqustun 24-dən sentyabrın 5-dək keçiriləcək.
Bölmənin digər xəbərləri
