Tramp: ABŞ Ukraynaya yardım üçün əvvəllər xərclədiyi vəsaiti geri qaytara biləcək
Bakı, 23 fevral, AZƏRTAC
Vaşinqton administrasiyası əvvəllər Ukraynaya yardım üçün xərclənən vəsaiti geri qaytarmağa çalışır və buna nail olacaq.
AZƏRTAC xəbər verir ki, bunu ABŞ Prezidenti Donald Tramp bildirib.
“Mən pulumuzu geri almağa və ya onun təhlükəsiz olduğuna əmin olmağa çalışıram. İstəyirəm ki, Ukrayna bizim verdiyimiz bütün pulların müqabilində bizə bir şey versin. Biz pulumuzu geri alacağıq, çünki bu, ədalətli deyil”, - deyə Amerika lideri Mühafizəkar Siyasi Fəaliyyət Konfransında çıxış edərkən bəyan edib.
“Wall Street Journal” qəzeti daha əvvəl mənbələrə istinadla xəbər vermişdi ki, Vaşinqton və Kiyev fevralın 22-də Ukraynanın nadir torpaq minerallarından istifadəyə dair saziş imzalaya bilər. Nəşrin yazdığına görə, tərəflər Amerikanın hərbi yardımına görə kompensasiya kimi qiymətli minerallara olan hüquqların ABŞ-a verilməsi ilə bağlı razılığa yaxınlaşırlar.
Bölmənin digər xəbərləri
