Tramp: ABŞ Venesuela yaxınlığında hərbi mövcudluğunu gücləndirəcək
Bakı, 17 dekabr, AZƏRTAC
ABŞ ordusu Venesuela ətrafında hərbi mövcudluğunu genişləndirəcək və bu proses Venesuelanın əvvəllər oğurladığı neft, torpaq və digər aktivləri Vaşinqtona qaytarana qədər davam edəcək.
AZƏRTAC xəbər verir ki, bu barədə ABŞ Prezidenti Donald Tramp “Truth Social” sosial şəbəkəsində paylaşım edib.
Tramp yazıb: “Venesuela Cənubi Amerika tarixində indiyədək toplanmış ən böyük dəniz donanması tərəfindən tamamilə əhatə olunub. Bu qüvvələr daha da artacaq və onlar əvvəllər heç vaxt görmədikləri şəkildə zərbələr alacaqlar. Bu, Venesuelanın bizdən oğurladığı bütün neft, torpaq və digər aktivləri ABŞ-a qaytarana qədər davam edəcək”.
Bölmənin digər xəbərləri
