Tramp miqrantların olduğu təyyarəni qəbul etməyən Kolumbiyaya 25 faiz rüsum tətbiq edib
Vaşinqton, 27 yanvar, AZƏRTAC
ABŞ Prezident Donald Tramp immiqrantların deportasiyasını həyata keçirən ABŞ hərbi təyyarələrinin enişinə mane olmasından sonra Kolumbiyaya qarşı 25 faiz rüsum tətbiq edib.
AZƏRTAC-ın məlumatına görə, Tramp Kolumbiyadan ABŞ-a gələn bütün mallara rüsumun dərhal tətbiq ediləcəyini və bir həftə ərzində rüsumun 25 faizdən 50 faizə qaldırılacağını bildirib.
Kolumbiya Prezidenti Qustavo Petro da ABŞ-a 50 faiz rüsum tətbiq edəcəyini açıqlayıb.
Qeyd edək ki, bu gün Kolumbiya Prezidenti Qustavo Petro ölkəyə doğru hərəkət edən miqrantları daşıyan ABŞ-a məxsus iki hərbi təyyarənin enişinə icazə verməyib. O, mülki təyyarələrlə səyahət edən repatriasiya edilmiş miqrantları qəbul etməyə hazır olduğunu bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
