Tramp: Uzun müddətdir Çinlə münasibətlərimiz çox yaxşıdır
Vaşinqton, 7 oktyabr, AZƏRTAC
“Çinlə çox yaxşı münasibətimiz var”.
AZƏRTAC xəbər verir ki, bu sözləri ABŞ Prezidenti Donald Tramp Kanadanın Baş naziri Mark Karni ilə görüş zamanı jurnalistlərə deyib.
O bildirib ki, Çin Sədri Si Cinpinlə çox yaxşı anlaşır və bir neçə həftədən sonra onunla Cənubi Koreyada görüşəcək.
“Uzun müddətdir Çinlə münasibətlərimiz çox yaxşıdır. Ancaq Çinlə yaxşı münasibət üçün rəqabət aparmağı bacarmalısan”,- deyə Tramp əlavə edib. Dövlət başçısı Çini böyük rəqib adlandıraraq müxtəlif səbəblərdən ABŞ-ın Çinə nisbətən daha çox üstünlüyə malik olduğunu deyib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
