“Türk Hava Yolları” dünya səhiyyə işçiləri üçün endirim kampaniyasına başlayıb
İstanbul, 8 iyun, AZƏRTAC
“Türk Hava Yolları” (THY) şirkəti bütün dünyanın səhiyyə işçiləri üçün 40 faiz endirim kampaniyasına başlayıb.
AZƏRTAC xəbər verir ki, bu barədə şirkətin media müşavirliyindən bildirilib.
Kampaniya çərçivəsində səhiyyə işçiləri onlarla bərabər səyahət edəcək 3 nəfər üçün də endirimli bilet əldə edə biləcəklər. Endirimdən yararlanmaq istəyənlər bu il iyulun 18-dək THY-nin internet səhifəsindən qeydiyyatdan keçməlidirlər.
Şirkət bu kampaniyanın COVID-19-la mübarizədə fədakarlıq göstərən səhiyyə işçilərinə təşəkkür olduğunu bildirib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
