Türkiyə Böyük Millət Məclisində Azərbaycan Milli Məclisinin əməkdaşları ilə görüş keçirilmişdir
İstanbul, 5 noyabr (AZƏRTAC). Türkiyə Böyük Millət Məclisində (TBMM) Türkdilli Ölkələrin Parlament Assambleyası (TürkPA) çərçivəsində Azərbaycan Milli Məclisinin əməkdaşları ilə görüş keçirilmişdir.
TBMM-in baş katibi İrfan Nəziroğıu Milli Məclisin insan hüquqları komitəsində fəaliyyət göstərən əməkdaşlara Türkiyənin qanunverici orqanındakı analoji komissiyanın işi haqqında məlumat vermişdir.
Görüşdə bildirilmişdir ki, iki qardaş ölkənin parlament nümayəndələrinin qarşılıqlı səfərləri əlaqələrin möhkəmlənməsində mühüm rol oynayır. Qeyd edilmişdir ki, TürkPA çərçivəsində təcrübə mübadiləsi bütün türkdilli ölkələrin qanunverici orqanları üçün faydalıdır.
Oqtay Bayramov
AZƏRTAC-ın xüsusi müxbiri
İstanbul
Bölmənin digər xəbərləri
