TÜRKİYƏ BTC NEFT KƏMƏRİ VASİTƏSİLƏ ARALIQ DƏNİZİNİ XƏZƏR NEFTİNƏ AÇMIŞDIR
Sərmayəşilərin təhlükəsiz və şəffaf neft bazarlarına üstünlük verdiyini qeyd edən Yusuf Günay, artıq Türkiyənin bu tələblərə cavab verdiyini də diqqətə çatdırmışdır. Hazırda “Koç Holdinq” korporasiyasının, İtaliyanın “Eni” və Rusiyanın LUKoil şirkətlərinin müraciətlərinin müsbət dəyərləndirildiyini qeyd edən agentlik rəhbəri, Türkiyənin “Sanko Holdinq” və Qazaxıstanın neft şirkətinin də müraciətlərinə baxılacağını demişdir.
Bu layihələr Türkiyədə minlərlə yeni iş yerlərinin açılmasına şərait yaradacaqdır. Bundan başqa, ölkədə əlavə olaraq ildə 35 milyon ton xam neft emal ediləcəyi gözlənilir.
Yusuf Günay neftayırma zavodları ilə yanaşı, yeni elektrik stansiyalarının tikiləcəyini də söyləmişdir. Bu sahədə 10 illik proqram təsdiq olunmuşdur və həmin stansiyalar özəl şirkətlər tərəfindən inşa ediləcəkdir.
Türkiyənin Enerji Bazarının Tənzimlənməsi Agentliynin bütün bu layihələrə verdiyi lizenziyalar nəticəsində son 5 ildə dövlət büdcəsinə 120 milyon dollar vəsait köçürülmüşdür.
Bölmənin digər xəbərləri
