TÜRKİYƏ NAZİRİ QAFQAZ UNİVERSİTETİNDƏ OLMUŞDUR

09.07.2004 [23:07]
Çap et
A⁺ A^-

AZƏRTAC-ın müxbiri xəbər verir ki, ölkəmizdə səfərdə olan Türkiyə Respublikasının ətraf mühitin mühafizəsi və meşə təsərrüfatı naziri Osman Pepe Qafqaz Universitetinə gəlmiş, bu ali təhsil ocağı ilə tanış olmuşdur.

Görüşdə Çağ Öyrətim İşlətmələri Şirkətinin prezidenti Ənvər Özərən, universitetin rektoru, professor Erol Oral Azərbaycan təhsilinin inkişafında xalqımızın ümummilli lideri, dünya şöhrətli siyasi xadim Heydər Əliyevin müstəsna xidmətlərindən danışmışlar.

Natiqlər, həmçinin, bu ali məktəbdə yüksək ixtisaslı mütəxəssislər hazırlamaq üçün həyata keçirilən tədbirlər barədə qonağa məlumat vermiş, göstərilən diqqətə görə təşəkkürlərini bildirmişlər.

Nazir Osman Pepe universitetdə yaradılan tədris şəraitindən məmnun qaldığını söyləmiş, müəllim və tələbələrə uğurlar arzulamışdır.

Görüşdə ekologiya və təbii sərvətlər naziri Hüseynqulu Bağırov iştirak etmişdir.