Türkiyədə İŞİD üzvlərinin saxlanılması ilə bağlı əməliyyat keçirilir
İstanbul, 28 dekabr, AZƏRTAC
Türkiyənin Ankara və İstanbul vilayətlərində İŞİD terror təşkilatı üzvlərinin saxlanılması ilə bağlı istintaq başladılıb.
AZƏRTAC xəbər verir ki, İstanbul prokurorluğunun terror və mütəşəkkil cinayətlər üzrə istintaq bürosu tərəfindən aparılan təhqiqatın gedişində 25 nəfərin İŞİD terror təşkilatının tərkibində fəaliyyət göstərdiyi müəyyənləşib. Prokurorluğun təlimatı ilə keçirilən əməliyyat zamanı həmin şəxslərdən 22-i yaxalanıb, üç şübhəlinin axtarışları davam edir.
Daha bir araşdırma Ankarada aparılıb. Paytaxt prokurorluğu İŞİD terror təşkilatı ilə əlaqədə olduğu müəyyən edilən 10 şübhəli barəsində həbs qərarı çıxarıb. Onların saxlanılması üçün əməliyyat başladılıb.
Bölmənin digər xəbərləri
