Türkiyədə raket və partlayıcı maddələr zavodunda partlayış nəticəsində beş nəfər həlak olub VİDEO
Bakı, 10 iyun, AZƏRTAC
Türkiyənin paytaxtı Ankaranın Almadağ rayonundakı raket və partlayıcı maddələr zavodunda güclü partlayış baş verib.
AZƏRTAC Anadolu agentliyinə istinadla xəbər verir ki, Milli Müdafiə Nazirliyinin hadisə ilə bağlı açıqlamasında partlayış nəticəsində beş nəfərin həlak olduğu qeyd edilib.
Partlayışın yanğın nəticəsində baş verdiyi ehtimal olunur.
Hadisə yerinə xeyli sayda təcili tibbi yardım briqadaları cəlb edilib. Xəsarət alanların bəzilərinin vəziyyətinin ağır olduğu bildirilir.
Hazırda partlayışla bağlı təhqiqat aparılır.
Bölmənin digər xəbərləri
