Türkiyədə saxta içki istehsalçılarına qarşı növbəti əməliyyat keçirilib
İstanbul, 13 yanvar, AZƏRTAC
Türkiyədə saxta içki istehsalçılarına qarşı əməliyyatlar davam edir.
AZƏRTAC xəbər verir ki, növbəti genişmiqyaslı əməliyyat ölkənin Manisa vilayətində həyata keçirilib. Şəhərin Yunus Əmrə rayonunda baş tutan əməliyyat zamanı 3365 litr saxta içki ələ keçirilib. Bu içkilərin istehsalında və satışında şübhəli bilinən şəxslər saxlanılıblar.
Digər şübhəlilərin saxlanılması istiqamətində əməliyyatlar davam etdirilir.
Son yeddi ayda Türkiyədə keçirilən əməliyyatlar zamanı tonlarla saxta içki və onların hazırlanmasında istifadə olunan vasitələr ələ keçirilib.
Türkiyədə oktyabrın 9-dan indiyədək saxta içki zəhərlənməsi səbəbindən 100-ə yaxın insan həyatını itirib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
