Türkiyədə “Sinovac” vaksinin ilk dozası səhiyyə nazirinə vurulacaq
Ankara, 13 yanvar, AZƏRTAC
Türkiyədə yeni növ koronavirus (COVID-19) infeksiyasına qarşı kütləvi peyvəndləmə çərçivəsində Çindən alınan “Sinovac” vaksininin ilk dozası səhiyyə naziri Fahrettin Kocaya vurulacaq.
AZƏRTAC xəbər verir ki, bu barədə səhiyyə naziri Fahrettin Koca Türkiyə Səhiyyə üzrə Elmi Komitəsinin növbəti iclasından sonra keçirdiyi mətbuat konfransında məlumat verib.
Nazir bildirib ki, Türkiyəyə gətirilən 3 milyon “Sinovac” vaksini laboratoriya yoxlamasından keçirilib və təhlükəsiz olması təsdiqlənib.
Nazirin sözlərinə görə, Türkiyə Səhiyyə üzrə Elmi Komitəsinin könüllü peyvənd olmayan və yaxud koronavirusa yoluxmayan üzvləri də onunla birlikdə ilk peyvəndlənmədə iştirak edəcəklər. Proses telekanallar tərəfindən canlı olaraq göstəriləcək.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
