TÜRKİYƏNİN BAŞ NAZİRİ VATİKAN NÜMAYƏNDƏSİNİN BƏYANATINI RƏDD ETMİŞDİR
AZƏRTAC-ın Ankaradan aldığı xəbərə görə, Türkiyənin Baş naziri Rəcəb Tayyib Ərdoğan Vatikanın yüksək vəzifəli nümayəndəsinin belə bir bəyanatını qeyri-məqbul bəyanat kimi rədd etmişdir ki, Türkiyə müsəlman ölkəsi olduğu üçün “mədəni səbəblərə görə” Avropa Birliyinə daxil olmaqdan imtina etməlidir. Kardinal Yozef Rattsingerin iddiasına görə, Türkiyə öz gələcəyini xristan kökləri olan Avropa Birliyində deyil, müsəlman ölkələri arasında müəyyən etməyə çalışmalıdır.
Bunun cavabında Türkiyənin Baş naziri bildirmişdir: “Vatikan dini dövlətdir. O, Avropa Birliyinin üzvü deyildir. Biz isə Avropa Birliyinə daxil olmağa dair danışıqları bu təşkilatın üzvləri ilə aparırıq”.
Bölmənin digər xəbərləri
