TÜRKİYƏNİN TANINMIŞ “ROMAN” GEYİM ŞİRKƏTİ MƏHSULLARININ TƏQDİMAT MƏRASİMİ KEÇİRİLƏCƏKDİR
Tədbirdə “Roman”ın Azərbaycandakı təmsilçisi İradə Hüseynova qadın geyimləri istehsal edən şirkət haqqında qısa məlumat vermişdir. Bildirilmişdir ki, “Roman”ın dünyanın 20-dən artıq ölkəsində, o cümlədən Amerika Birləşmiş Ştatları, Böyük Britaniya, Avstraliya, İsveç və Rusiyada təmsilçiləri vardır. Bu ilin mart ayından artıq “Roman”ın Bakıdakı mağazasında da (Xaqani küçəsi,12) şirkətin məhsullarının satıldığı və qiymətlərin Türkiyədəki satış qiymətlərindən fərqlənmədiyi, bu geyimlərin qadınlarımızın zövqünə daha uyğun olduğu qeyd edilmişdir.
Şirkətin modelyeri Səbinə Hüseyn noyabrın 20-də BƏM-də, əsasən, qış geyimlərinin təqdim olunacağını, sonralar isə hər mövsümlə bağlı tədbirin keçiriləcəyini bildirmişdir. Qeyd edilmişdir ki, şirkət rəhbərliyinin iştirakı ilə keçəcək təqdimatda tanınmış müğənnilərimiz konsert proqramı ilə çıxış edəcəklər.
Bölmənin digər xəbərləri
