TÜRKMƏNİSTAN PREZİDENTİ ZATİ-ALİLƏRİ CƏNAB QURBANQULU BERDİMƏHƏMMƏDOVA
Hörmətli Qurbanqulu Məlikquliyeviç,
Azərbaycan xalqı adından və şəxsən öz adımdan Sizi və bütün Türkmənistan xalqını milli bayram - müstəqillik günü münasibətilə ürəkdən təbrik edirəm.
Azərbaycan və Türkmənistan əsrlər boyu dostluq və qarşılıqlı dəstək telləri ilə bağlıdır. Şadam ki, ölkələrimiz arasında ənənəvi mehriban qonşuluq münasibətləri və hərtərəfli əməkdaşlıq bu gün də xalqlarımızın və dövlətlərimizin mənafeyi naminə, regionda sülh, təhlükəsizlik və sabitlik naminə uğurla və dinamik inkişaf edir.
Hörmətli Qurbanqulu Məlikquliyeviç, Sizə möhkəm cansağlığı, xoşbəxtlik və dövləti fəaliyyətinizdə uğurlar, dost Türkmənistan xalqına sülh və firavanlıq arzu edirəm.
Hörmətlə,
İlham Əliyev
Azərbaycan Respublikasının Prezidenti
Bakı, 13 oktyabr 2008-ci il.
Bölmənin digər xəbərləri
