UEFA-NIN BAŞ KATİBİ AZƏRBAYCAN FUTBOLUNUN İNKİŞAFI NAMİNƏ GÖRÜLƏN İŞLƏRDƏN MƏMNUNDUR
Həmin gün bir sıra hökumət rəsmiləri ilə görüşlər keçirdiyini vurğulayan baş katib, Tovuzda, Yevlaxda, İmişlidə və Lənkəranda yerli stadionlara baş çəkdiyini, Bakıda AFFA-nın yeni inzibati binasının tikintisi ilə tanış olduğunu bildirmişdir.
Baş katib UEFA-nın təşəbbüsü ilə Avropada futbol infrastrukturunun inkişafı naminə müxtəlif proqramların həyata keçirildiyini qeyd etmişdir. O, ölkəmizdə futbol infrastrukturunun vəziyyətindən razı qaldığını və Azərbaycanın bu göstərici üzrə hətta digər ölkələrə nümunə ola biləcəyini nəzərə çarpdırmışdır. Qonaq UEFA-nın 2004-2008-ci illəri əhatə edən “Het–Trik” proqramı çərçivəsində ölkəmizə müxtəlif yardımların göstərildiyini, o cümlədən Tofiq Bəhramov adına Respublika stadionunun əsaslı təmir olunduğunu, AFFA-nın yeni binasının tikildiyini qeyd etmişdir.
Bölmənin digər xəbərləri
