UEFA “Qarabağ”ın rəqibi olan “Olimpiakos”u cəzalandırıb
Bakı, 29 sentyabr, AZƏRTAC
Avropa Liqasının qrup mərhələsində Ağdamın “Qarabağ” klubunun rəqibi olan Yunanıstanın “Olimpiakos” komandası UEFA tərəfindən cəzalandırılıb.
AZƏRTAC xəbər verir ki, buna səbəb Yunanıstan klubunun azarkeşlərinin 2-ci turda “Frayburq”la ev oyununda pirotexniki vasitələrdən istifadə etməsidir.
Komandanın növbəti turda “Qarabağ”la qarşılaşmada azarkeş məhdudiyyəti olacaq. Stadionun şimal tribunası qismən bağlanacaq. Həmçinin Pirey təmsilçisi 50 min avro məbləğində cərimələnib.
Qeyd edək ki, “Olimpiakos”-“Qarabağ” oyunu oktyabrın 6-da keçiriləcək.
Bölmənin digər xəbərləri
