Ufuk Turganer: Türk dünyasına mənsub ölkələrin mədəniyyəti ilə tanış olmaq xoş təəssürat yaratdı
Bakı, 9 iyun, AZƏRTAC
Bu böyük ailənin bir üzvü olaraq ailənin daxilində sevgi, hörmət və qarşılıqlı anlaşma dəyərlərinin yaşadılmasına və təbliğinə xidmət edən belə təşəbbüsü yüksək qiymətləndirirəm. Uşaqların gözlərindəki sevinc və həyəcanı görmək məni çox sevindirdi.
AZƏRTAC xəbər verir ki, bunu Bakının Xəzər rayonunun Şüvəlan qəsəbəsində yerləşən 156 nömrəli tam orta məktəbdə keçirilən “Türk dünyasına səyahət” adlı tədbirdə Şimali Kipr Türk Respublikasının Bakıdakı nümayəndəliyinin rəhbəri Ufuk Turganer deyib.
“Türk dünyasına mənsub ölkələrin mədəniyyəti, milli mətbəxi, geyimləri və adət-ənənələri ilə tanış olmaq, şagirdlərin həmin dövlətlərin milli geyimlərində çıxış etmələrini görmək xoş təəssürat yaratdı. Həqiqətən də, bu gün Türk dünyasına maraqlı və mənalı səyahət etdik”, - deyə o vurğulayıb.
Fotoqraf - Orxan Kərimov
Bölmənin digər xəbərləri
