UKRAYNA PAYTAXTINDA AVROPA GÜNLƏRİ KEÇİRİLƏCƏK
Kiyevin meri Aleksandr Omelçenko və Avropa Komissiyasının Ukraynadakı daimi nümayəndəliyinin sədri Nober Justen mayın 16-17-də burada Avropa günləri keçirilməsi ilə bağlı əsas məqamları müzakirə etmişlər.
Cənab N.Justen bildirmişdir ki, ənənəvi olaraq mayın 9-da Ukraynada rəsmi səviyyədə və bir qədər qapalı formatda keçirilən Avropa gününü Avropa Birliyinin fəaliyyəti ilə daha çox adamın tanış ola bilməsi üçün bu il geniş miqyasda keçirmək planlaşdırılır.
Avropa günlərinin proqramında Kiyevdə akkreditə olunmuş səfirlər üçün ölkə rəhbərliyinin iştirakı ilə diplomatik qəbul, Avropa və Ukraynanın tanınmış estrada müğənnilərinin iştirakı ilə böyük konsertlər və digər tədbirlər nəzərdə tutulmuşdur.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
