UKRAYNADA DƏHŞƏTLİ ACLIĞIN QURBANLARININ XATİRƏSİ PARİSDƏ ANILMIŞLAR

14.11.2005 [21:31]
Çap et
A⁺ A^-

AZƏRTAC Ukrinforma istinadla xəbər verir ki, Ukraynada 1932-1933-cü illər qolodomorunun (dəhşətli aclıq) 72 illiyi ilə əlaqədar Parisdə onun qurbanlarının xatirəsini anma mərasimi keçirilmişdir. Mərasim Fransadakı Ukraynalı Qadınlar Assosiasiyasının Müqəddəs Vladimir kilsəsindən Parisin qədim kafedral məbədi olan Paris Notrdam kilsəsinədək matəm yürüşü ilə başlanmışdır. Burada qurbanların xatirəsinə dua oxunmuşdur. Ukrayna Prezidentinin xanımı Yekaterina Yuşşenko, habelə Fransanın siyasi dairələrinin, diplomatik korpusun və ictimaiyyətin nümayəndələri də burada olmuşlar.

Ukraynada 1932-1933-cü illərin qolodomoru bəşəriyyətə qarşı cinayət kimi təsdiq olunmuşdur. 1988-ci ildə ABŞ Konqresinin komissiyası, habelə beynəlxalq komissiya bu qolodomoru soyqırımı aktı kimi tanımışlar.

Bu aclıq o dövrdə təkcə tədarük olunmuş taxılın məcburi surətdə məhv edilməsi nəticəsində deyil, həm də SSRİ-nin bütün regionlarında, - ərzağın camaatın əlindən tamamilə alınması nəticəsində baş vermişdir. Aclıq terroru, zorakılıqla sürgünlər, fərdi xarakterli kütləvi repressiyalar milli respublika kimi Ukraynaya qarşı yönəldilmişdi.

XX əsr ərzində Ukrayna üç dəhşətli aclığa məruz qalmışdır: 1921-1923-cü illər, 1932-1933-cü illər və 1946-1947-ci illər. Onlardan ikincisi daha kütləvi və amansız olmuşdur. İnzibati tədbirlər nəticəsində Ukraynada, müxtəlif hesablamalara görə, 7 milyondan 10 milyonadək insan qırılmışdır.

Ukraynada qolodomor və siyasi repressiya qurbanlarının xatirə günü rəsmən noyabrın dördüncü şənbə günü qeyd edilir.