UKRAYNADA KORRUPSİYA VƏ RÜŞVƏTXORLUQLA MÜBARİZƏ YANVARIN 1-DƏK DAVAM ETDİRİLƏCƏK

14.11.2005 [17:22]
Çap et
A⁺ A^-

AZƏRTAC Ukrinforma istinadla xəbər verir ki, Ukraynanın daxili işlər naziri Yuri Lutsenko sentyabrda Odessa şəhərində hüquq mühafizə orqanlarının nümayəndələri ilə görüşündə korrupsiyaya və rüşvətxorluğa qarşı mübarizə ikiaylığı keçiriləcəyini elan etdikdən sonra bu istiqamətdə ciddi tədbirlər görülür. O, Odessaya növbəti səfəri zamanı bildirmişdir ki, tədbirin nəticələri gözlənildiyindən xeyli artıq olmuşdur.

Nazirin sözlərinə görə, əgər əvvəllər ayda 200-230 rüşvətxor yaxalanırdısa, son iki ayda bu rəqəm 800-ə çatmışdır. Ona görə də ikiaylığı 2006-cı il yanvarın 1-dək uzatmaq qərara alınmışdır.

DİN başçısı demişdir ki, milisin məqsədyönlü fəaliyyəti sayəsində ilin əvvəlindən bəri ölkədə 1120 cinayət işi qaldırılmışdır. Həmin dövrdə 3,5 min rüşvətxorluq faktı qeydə alınmışdır.

Lakin nazirin fikrincə, milisin prokurorluq orqanlarına verdiyi cinayət işlərinin təhqiqinin səmərəliliyi oduqca aşağıdır. Bununla əlaqədar o, Ukrayna Baş Prokurorluğuna çox böyük əks-səda doğuran işlərin milis orqanlarına verilməsi təklifi ilə müraciət etmişdir. Y.Lutsenko bunu Prezident Viktor Yuşşenkodan da xahiş etmək niyyətindədir.

UKRAYNADA KORRUPSİYA VƏ RÜŞVƏTXORLUQLA MÜBARİZƏ YANVARIN 1-DƏK DAVAM ETDİRİLƏCƏK

MÜƏLLİFLƏ ƏLAQƏ

Bölmənin digər xəbərləri