Ukraynada vahid aerotibbi məkan yaradılacaq
Kiyev, 13 yanvar, AZƏRTAC
Ukrayna Səhiyyə Nazirliyi ağır xəstələrin mülki tibbi təxliyəsini nəzərdə tutan vahid aerotibbi məkanın yaradılması üzrə layihəyə başlayır.
AZƏRTAC xəbər verir ki, bu barədə ölkənin Səhiyyə naziri Maksim Stepanov brifinqdə deyib.
O qeyd edib ki, Səhiyyə Nazirliyi fevral və aprel aylarında aerotibbi təxliyə üzrə iki pilot layihənin Lvov və Kiyev şəhərlərində işə salınmasına təşəbbüs göstərir.
Ukrayna Səhiyyə Nazirliyinin başçısı əlavə edib ki, bu sənədin qəbulundan sonra anatomik materialları və resipiyentləri hava yolu ilə vaxtında nəql etmək mümkün olacaq və hər şeydən əvvəl bundan ürək transplantasiyası üçün istifadə ediləcək.
Pilot layihələr üçün seçilən regionların hər birində gecə-gündüz ekipaj və tibbi briqadalar növbə çəkəcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
