Ukraynada yanacaqdoldurma məntəqəsində 3 nəfər güllələnib
Kiyev, 18 sentyabr, AZƏRTAC
Ukraynanın Nikolayev şəhərində qazdoldurma məntəqəsində 3 nəfər güllələnib.
AZƏRTAC yerli mətbuata istinadla xəbər verir ki, “Faktor” qazdoldurma məntəqəsində üzərlərində zorakılıq əlamətləri ilə olan üç meyit aşkarlanıb.
“Ölənlərin cəsədlərini səhər saatlarında həyat yoldaşının yanına gələn yanacaqdoldurma məntəqəsi işçilərinin birinin xanımı aşkar edib. Öldürülənlərdən ikisi yanacaqdoldurma məntəqəsinin işçiləridir”, - deyə məlumatda qeyd olunub.
Faktla bağlı cinayət işi açılıb, cinayətkarın həbsi üçün əməliyyat-axtarış tədbirləri həyata keçirilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
