Ukraynalı məktəbli: Azərbaycana gəlməyimə yaradılan imkana görə minnətdarlığımı bildirirəm
Bakı, 13 iyun, AZƏRTAC
Mənə Azərbaycana, Bakıya gəlmək, sizin məktəbi ziyarət etmək, sizin mədəniyyətinizlə, ənənələrinizlə tanış olmaq imkanı nəsib oldu. Bütün bunlar mənim üçün çox maraqlıdır.
Bunu AZƏRTAC-a müsahibəsində Ukraynanın İrpen şəhərindəki akademik Zərifə Əliyeva adına 12 saylı orta məktəbin 10-cu sinif şagirdi Qloriya Prudko söyləyib.
Bakıya sinif yoldaşları, müəllimləri və dostları ilə birlikdə gəldiyini deyən Qloriya Prudko bunun üçün yaradılan imkana görə minnətdarlığımı ifadə edib.
“İrpen şəhərində məktəbimizin əsaslı təmir edilməsinə görə Azərbaycan Prezidentinə minnətdarlığını bildirirəm”, - deyə ukraynalı şagird fikrini yekunlaşdırıb.
Xatırladaq ki, İrpen şəhərindəki akademik Zərifə Əliyeva adına 12 saylı orta məktəbin müəllim və şagird heyətinin Azərbaycana səfəri iyunun 12-dən başlanıb. İyunun 13-də ukraynalı qonaqlar Bakıda akademik Zərifə Əliyeva adına liseydə olublar.
Bölmənin digər xəbərləri
