REGİONLAR
Ulu Öndərin 100 illiyi münasibətilə Hacıqabulda 500 ədəd sərv və şam ağacı əkilib
![](/files/galleryphoto/2023/1/1200x630/16787029125227331499_1200x630.jpg)
![](/files/galleryphoto/2023/1/1200x630/16787029125847039167_1200x630.jpg)
![](/files/galleryphoto/2023/1/1200x630/16787029124737251521_1200x630.jpg)
![](/files/galleryphoto/2023/1/1200x630/16787029133097553066_1200x630.jpg)
![](/files/galleryphoto/2023/1/1200x630/16787029132118031159_1200x630.jpg)
![](/files/galleryphoto/2023/1/1200x630/16787029123984559930_1200x630.jpg)
Hacıqabul, 13 mart, Aydın Yavərzadə, AZƏRTAC
Hacıqabul rayonunda Ulu Öndər Heydər Əliyevin 100 illiyinə həsr olunan ağacəkmə aksiyası keçirilib.
AZƏRTAC-ın bölgə müxbiri xəbər verir ki, ağacəkmə aksiyasında Hacıqabul Rayon İcra Hakimiyyətinin, YAP Hacıqabul rayon təşkilatının rəhbərliyi, rayon hüquq-mühafizə orqanlarının, idarə və müəssisələrinin əməkdaşları, partiya fəalları və ictimaiyyət nümayəndələri iştirak ediblər. Aksiya zamanı Hacıqabul-Muğan avtomobil yolunun sağ və sol hissəsində, avtomobil yolu boyunca 500 ağac, o cümlədən 250 şam və 250 sərv ağacı əkilib. Eyni zamanda, ağacların əkildiyi ərazilərdə təmizlik işləri aparılıb, ağaclara aqrotexniki qulluq göstərilib.